[:es]EAThink proiektuan egindako lan guztia KIT batean jaso nahi izan dugu eta eskuragarri izango da datozen aste eta hilabeteetan nahi duen ororentzat. KIT honek 3 liburuxka izango ditu:

• Ikas-unitateak: EAThink proiektuan parte hartu duten euskal irakasleek eta europar irakasleek sortutako ikas-unitateen aukeraketa sorta bat Horietan elikadura subiranotasunarekin erlazionatutako gai ugari ikasgeletan nola txertatu erakusten da, hezkuntza curriculumarekin bat. Tratatutako gaien inguruan honakoak topatu ahalko dituzue: konposta, hondakinak, aztarna ekologikoa, oinatz hidrikoa, ekonomia urdina, elikagaien interdependentzia globala, elikagaien publizitateaâ?¦
• Tailerrak: 2016-2017 ikasturtean zehar Kutxa Ekogunearekin elkarlanean ikastoletan burutu ditugun "Bertokoa jan, Mundua buruan" tailerrak irakasleek beraiek gauzatzeko argibide eta material sorta.
• Eskola baratzea: Bizi Baratzea eta Jakoba Errekondoren gomendioei jarraituz ikastolan baratze bat garatzeko argibide, trikimailu eta gomendioak.

Zuk ere EAThink KITa jaso nahi duzu? EAThink proiektuan orain artean parte hartu ez baduzu, bidali email bat eathink2015@euskalfondoa.org helbidera "EAThink KITa jaso nahi dut" izenburupean zure datuak utziz (Izen-abizenak, ikastetxe zentroa eta udalerria). Iraila inguruan bidaliko dizugu KITa formatu elektronikoan edonon zaudela kontsultatu ahal dezazun. EAThink proiektuan dagoeneko parte hartu baduzu zuzenean bidaliko dizugu. Fisikoki eduki nahi baduzu jakin ezazu EAEko ikastetxe guztietara bidaliko dugula irailean posta bidez. Hala ere, baduzu beste aukera bat ere zuretzat izango den KITa fisikoki jasotzeko aukera: Eibarren uztailaren 10ean UEUko ikastaroetan ospatuko den EAThink dohaineko jardunaldian apuntatu. Bertan liburuxkak banatuko ditugu eta liburuxken azalpen zabala emango dizuegu, baita bazkari ekologiko bat ere!! Jardunaldiaren inguruko informazio guztia eta izen ematea honako estekan topatuko dituzu (azkar plaza gutxi geratzen direlako!): http://www.ueu.eus/ikasi/jardunaldi-ikastaroa/1056/Hezkuntza%2Bformalean%2Belikadura%2Bsubiranotasuna%2Blantzeko%2Berremintak.[:]