Mendebaldeko Saharan okupazioa ez da soilik fisikoa, sinbolikoa ere bada.

Saharako bandera eramateko debekua indarkeria horren adibide da eta, dokumentalean, Marokok okupatutako lurraldeetan emakumeek jasaten dituzten giza eskubideen urraketa guztiak sartzeko erabiltzen den baliabide narratiboa da.SEADen (Saharako Errepublika Arabiar Demokratikoa) bandera historia honetako geruzak lotzen dituen elementu komuna da, eta hiru ardatz nagusitan antolatzen da:

1) Saharako emakumeen aurkako giza eskubideen urraketen kasu espezifikoak, Que Sale Todo a la Luz (Hegoa, 2022) txostenean dokumentatuak;

2) okupatzailearen aurrean antolatzeko, artikulatzeko, mobilizatzeko, salatzeko eta erresistitzeko gaitasuna, eta

3) gatazkaren historia eta egungo testuinguru politikoa.

Filmak bost protagonisten testigantzak biltzen ditu: El Ghalia Abdalahe Djimi, Mina Baali eta Saultana Sidbrahim Khayya giza eskubideen defendatzaileak, eta Omeima Mahmud Nayem eta Jadiyetu El Mohtar, Fronte Polisarioak Suitzan eta Euskadin dituen diplomatikoak, hurrenez hurren.

Haien kontakizun eta memoriak Mendebaldeko Saharako lurralde okupatuetan harrapatutako irudiekin tartekatzen dira, eta Marokoko okupazio-indarrek biztanleria zibilaren aurka, batez ere El Aaiun hiriburuan, eragindako indarkeria dokumentatzen dute.

Era berean, Euskadiko eta Genevako topaketa eta bileretan salatzeko eta eragiteko nazioarteko lanean ere ikusten ditugu ekintzaileak. Dokumentu-materialarekin batera lau animazio-sekuentzia aurkeztu dira, txostenean aurkeztutako giza eskubideen urraketen kasu batzuen gordintasuna sentsibilitatez transmititzen dutenak.

INTSUMISAK zure herrira iristea nahi? Jarri gurekin harremanetan