Sultana Jaya giza eskubideen aldeko aktibista sahararrak bisita egingo digu datorren astean eta bere agenda agintari eta instituzioetara bisitez eta jendaurreko ekintzez beteta egongo da.

Igandea 18 arratsaldean iristea espero da. Saharako Ordezkaritza Euskadin, diasporak eta Saharar herriaren aldeko elkartasun mugimenduak Loiuko aireportuan harrera beroa antolatzen ari dira.

ASTELEHENA 19, arratsaldeko 18:30etan DURANGOko Landako Elkartegian bere lehen hitzaldi publikoa eskainiko du.

OSTEGUNA 22, arratsaldeko 18:30etan ORDIZIAko D´elikatuz -en bigarren hitzaldia egingo da.

OSTIRALA 23; 19:00etan IRUNGO Amaia KZn, hirugarren hitzaldi publikoa.

LARUNBATA 24, Polisarioak Euskadin duen ordezkaritzak, Arabako Rasden Lagunen Elkartearekin eta Saharako diasporak Araban dituen erakundeekin batera, ongietorri eta topaketa bat antolatu dute Sultanarekin Gasteizen. Jarduerak eguerdiko 12etan hasiko dira Andre Maria Zurian, eta herritar guztiak gonbidatuta daude bertan aktibistari harrera egiteko. Handik Aldabe gizarte-etxeraino martxa bat abiatuko da, eta Sahararekiko elkartasun-erakundeetako ordezkariek ongietorria egingo diote. Arratsaldean, Saharako diaspora aktibistarekin bilduko da Alde Zaharreko frontoian, eta kultur ekintzak ere izango dira bertan

Ekintzailea hartuko duten agintari eta erakundeen artean Bilbo, Donostia eta Gasteizko alkateak, Eusko Legebiltzarreko giza eskubideen batzordea, EMAKUNDEko zuzendaria eta foru-aldundietako lankidetzako eta ddhh zuzendariak daude.Informazio gehiago nahi izanez gero, jarri harremanetan Euskal Fondoaren Saharako Koordinazio Unitatearekin edo Saharako Ordezkaritzarekin Euskadin.

Sultana Jaya

Sultanak 41 urte ditu. Bojadorren jaio zen, Mendebaldeko Sahararen iparraldeko kostaldean, eta han bizi da. Giza Eskubideen aldeko aktibista da eta saharar gisa bere herriaren borrokan murgildu da bere lurraldea berreskuratzeko. Ia bere herrikide guztiek bezala, kanpamenduen eta lurralde okupatuen artean banatutako familia du, baina bere hiri okupatuan Marokoren okupazioaren aurka borrokatzeko geratzea erabaki zuen.

2010ean, Giza Eskubideen Defentsarako Saharako Liga sortu zuen, Natur Baliabideen Espolioaren aurka, eta gaur egun Liga horren buru da.

2020ko azaroaren 19an, Bojadorreko etxera itzuli zen, osasun arrazoiak direla medio Espainian denboraldi bat egin ondoren. Astebete lehenago, Marokok su-etena hautsi zuen Guerguerat-en, Mendebaldeko Sahararen hegoaldean, eta berak itzultzea erabaki zuen, bere jendearekin borrokatzeko. Aaiunera iritsi zenean, Marokoko poliziak geldiarazi egin zuen etxerako bidean, setiatu eta bere etxean 558 egunez giltzapetuta egotera behartu zuten. Bere ama eta bere arreba Luara ere martirio horren lekuko izan dira.

Sultana Jaya eta bere familia etengabe erasotu eta setiatu zituzten arren, hiru emakumeek Marokoren okupazioaren eta eskubideen urraketaren aurka erresistentzia baketsua egiteko hainbat modu asmatu zituzten, banderak goratuz eta askatasunaren eta giza eskubideen errespetuaren aldeko oihuak eginez arratsaldero, paramilitar marokoarrek setiatutako etxeko teilatura igota, egunero Saharako bandera jarriz erresistentziaren ikur gisa.