Tokiko erakundeekin eta erakunde aliatuekin batera bultzatutako hainbat proiekturen bidez, Euskal Fondoak emakumeek garapen, parte-hartze politiko eta eskubideen defentsa prozesuetan duten papera indartzeko lan egiten du.

Erakundeak sustatzen dituen ekimenen artean daude, adibidez, El Salvadorreko udalerrietan genero ikuspegia duen tokiko gobernantza indartzeko ekintzak, Tokiko Garapenerako Kolektibo Feminista bezalako erakundeekin batera. Ahalduntze politikorako tailerrak ere egiten dira emakume sahararrekin, Tindufeko errefuxiatuen kanpamentuetan.

Era berean, Habanan gizarte-inklusiorako eta egoera ahulean dauden pertsonei arreta emateko proiektuak bultzatzen dira, edo Guatemalan berdintasun handiagoko eta indarkeriarik gabeko herritarrak sustatzeko prozesuak, beste hainbat ekimenen artean.

Nazioarteko lankidetzaz gain, Euskal Fondoak sentsibilizazio eta gizarte eraldaketarako hezkuntzako ekimenak ere sustatzen ditu Euskadin, hala nola Aquí sí se hace lucha dokumentalaren proiekzioa eta solasaldia, beste lurralde batzuetako mugimendu feministen esperientziak eta aldarrikapenak euskal gizartera hurbiltzeko.

Martxoaren 8a dela eta, Euskal Fondoak ikuspegi feminista duen elkarlanaren aldeko konpromisoa berresten du, eta gogorarazten du emakumeentzako eskubideak eta aukerak bermatzeak komunitateak eraldatzen eta eta gizarte bidezkoago eta berdinzaleagoak eraikitzen laguntzen duela.