Esku-hartzeak 3.480 pertsonari egiten die mesede; horietatik %55 emakumeak dira. Egindako lanek auzoko osasun baldintzak hobetzen dituzte, uholde arriskua murrizten dute eta kale nagusietako batean mugikortasuna errazten dute. Gainera, euri-ura behar bezala bideratzeko aukera ematen dute, ur metaketak saihestuz.

Osasun publikoan eragina

Uraren geldialdia saihesteak gaixotasunak prebenitzen laguntzen du eta kalteberatasun egoeran bizi den auzoko biztanleriaren bizi baldintzak hobetzen ditu.

Azpiegitura berriak oinezkoen sarbidea eta ibilgailuen zirkulazioa errazten ditu, hondakinen bilketa hobetzen du eta auzoko ingurunea duintzen laguntzen du.

Parte-hartzea eta jasangarritasuna

Lanek iraun duten bitartean, bilera eta sentsibilizazio saioak egin dira komunitatearekin. Euskal Fondoaren talde teknikoak jarraipen bisitak egin ditu, eta topaketak izan ditu udaleko teknikariekin eta auzoko bizilagunekin.

Azpiegitura berria Udalaren Mantentze Planaren barruan sartuko da hemendik aurrera; horri esker, urte osoan zehar garbiketa eta kontserbazioa bermatuko dira.

Esku-hartze honen bidez, auzoak oinarrizko azpiegiturak hobetu ditu eta bere biztanleentzat baldintza seguruago eta osasungarriagoetara aurrera egin du.

Proiektua Euskal Fondoak Erdialdeko Amerikan sustatzen duen udalen arteko lankidetzaren baitan kokatzen da, tokiko erakundeen arteko lankidetza indartuz eta ura eta saneamendurako eskubidearekin lotutako azpiegiturak bultzatuz.

Proiektuaren informazio gehiago