Egun hauetan delegaritzak parte hartuko du Emakunde, eLankidetza eta Euskal Fondoak antolatutako lantegi batean. Horrez gain, hainbat udalerritako emakumeen etxeetara eta Euskal Fondoaren egoitzara bisitak egin ditu, berdintasunaren arloan abian jarritako proiektuen nondik norakoak ezagutzeko.

El Salvadorreko emakume politikarien ordezkaritza batek Euskadi bisitatuko du, egunotan, udal mailako kargu politikoekin eta liderrekin emakumeak ahalduntzeko esperientziak trukatzeko. Misioa truke teknikoko ekimen baten emaitza da, eta NBE Emakumeak, El Salvadorreko emakume erregidore, delegatu eta alkateen erakunde nazionalak (ANDRYSAS-ek) eta eLankidetzak sustatzen dute, Emakunderen eta EUDEL-en partaidetzarekin, Virginia Woolf Basqueskola Euskadiko tokiko hautetsien sarerekin batera.

eLankidetzak El Salvadorreko NBE Emakumeak-ekin harremana du 2012tik, erakundeari lehenengo dirulaguntza eman zionean. 2017an eta 2023an beste bi dirulaguntza eman zizkion, betiere udal-eremuan berdintasuna sustatzeko eta Eusko Jaurlaritzaren eta El Salvadorren arteko lankidetza teknikoa sustatzeko helburuarekin. Salvadorreko udalerrietan proiektu espezifikoak garatzeaz gain, diruz lagundutako ekimenek Emakunderen eta EUDELen lankidetza izan dute. Horren harira, hainbat bilera egin dira Euskadin eta Amerika Erdiko herrialdean bi lurraldeetako teknikariekin eta politikariekin.