Bertan, Burgeluko alkate Nati Lopez de Munain buru dela, 2023. urteari dagokion ekitaldiaren jarduera balantzea egin zen.

Guztira 2.439.670 euro bideratu dira nazioarteko lankidetza-proiektuak eta programak gauzatzera, Euskal Autonomia Erkidegoko toki- eta foru-erakundeek eta eLankidetza-Garapenerako Lankidetzaren Euskal Agentziak elkarrekin egindako ahaleginaren ondorioz.

Lankidetza modalitate honetan, egitasmoen aholkularitza, azterketa eta jarraipen lanetan baliabide teknikoek -udal zerbitzuak eta kanpoko laguntzaileak- parte hartu izanak duen balio erantsia nabarmendu liteke.

Era berean, batzarrean, Iruña Okako Udalaren (Araba)  atxikimendua berretsi zen, guztira 121 erakunde elkartuz.

Aurtengo ekitaldirako aurrekontua onartu da; guztira, lankidetza eta eraldatze sozialerako hezkuntza ekintzetara 2.517.730 euroko inbertsioa bideratzea aurreikusi da.